சென்னை அடுத்த பம்மல் பகுதியில் உள்ள கால்வாய்களை பொது மக்களே தூர்வாரிய சம்பவம் பரபரப்பை ஏற்படுத்தியுள்ளது.
சென்னை புறநகர் பகுதிகளில் டிட்வா புயலின் தாக்கம் காரணமாக விட்டு விட்டு கனமழை பெய்து வருகிறது,தாம்பரம் மாநகராட்சிக்கு உட்பட்ட பம்மல் அண்ணா நகர் ஏழாவது பிரதான சாலையில் உள்ள கால்வாய்களில் தூர்வாரபடாததால் அடைப்பு ஏற்பட்டு மழை நீருடன் கலந்து கழிவு நீர் சாலையில் பெருக்கெடுத்து ஓடுகிறது. இதனால் அப்பகுதி முழுவதும் துர்நாற்றம் வீசுவதுடன் நோய் தொற்று பரவும் அபாயமும் ஏற்பட்டுள்ளது,
இது குறித்து பல முறை பம்மல் மண்டல தலைவர் வே.கருணாநிதி மற்றும் தாம்பரம் மாநகராட்சி அதிகாரிகளிடம் அப்பகுதி மக்கள் புகார் அளித்தும் எந்த வித நடவடிக்கையும் எடுக்காமல் கண்டுகொள்ளாமல் இருந்துள்ளனர்,
இதனால் அதிருப்தியடைந்துள்ள அப்பகுதி மக்கள் தாங்களாகவே முன் வந்து கால்வாய்களை தூர் வாரியுள்ளனர்.
